كم رآح من عمري وأنـا ودي أتوب [ زيآد بن حجآب & فهد مطر ~

آلسسلآم عليكم ورحمه آلله وبركآته ..
.
.

..

إليكم رآئعـه من روآئع آلشآعر زيآد بن حجآب ..
بإنشآد : فهد مطر ..

كم راح من عمري وانا ودي اتـوب
ولولا الهوى والنفس كان امس تايب

عشرين عام امني النفس يا ايـوب
لين اكتشفت اني مع الوقت شايـب

راحت حياتي بين طالـب ومطلـوب
ولي خاطر(ن) لو طبت ماهوب طايب

واخاف من يوم به الموت مكتـوب
لا حولوا بي بين عـوج النصايـب

في منزل مظلم عن الناس محجـوب
محجوب حتى عن نسيـم الهبايـب

وصار الكفن يايوب يغني عن الثوب
وفارقت ربعـي والاهـل والقرايـب

ما عاد فيها جاه وأمـوال وسلـوب
ولا عاد فيها حب خشـم وطلايـب

ولا عاد حولي شمر ولا به حرووب
انا وملائكـة الرضـاء والعقايـب

خدعني التسويـف وأغرتنـي دروب
من يامن الدنيـا وغـدر النوايـب

يالله يا فارج علـى كـل مكـروب
يا واحدٍ بامـرك تهـون المصايـب

يا من تقلب بين اصابيعـك قلـوب
خلقتها مـن بيـن صلـب وترايـب

يا غافر لمن جالـك وكلـه ذنـوب
عبدٍ ضعيف وجـاك تايـب ونايـب

يا رب لو قلبي صخر عندك يـذوب
يامن لهيبتـك الجبـل خـر ذايـب

اتوب ثـم اعـود واعـود واتـوب
ماهي عجيبه وانـت رب العجايـب

من المهد لين اللحد وقتي محسـوب
ما ضاع شي وما بقى شي غايـب

يارب مالي غير رحمتـك مطلـوب
من لي سواك ان جيت يارب تايـب

كم راح من عمري وانا ودي اتـوب
ولولا الهواء والنفس كان امس تايب

لـ تحميل آلآنشوده بصيغه mp3 ~

[ندعوك للتسجيل في المنتدى أو التعريف بنفسك لمعاينة هذا الرابط]